La llignau asturiana presenta variantes internes. Ente elles, ta la variante oriental, onde esiste la hache aspirada, una grafía dialectal del oriente d'Asturies que se representa por un signu de puntuación embaxo de la lletra H, esto ye:
Nel ordenador escribímosla asina, por mor de nun tener esa grafía nel tecláu:
L'ASTURIANU NA FASTERA ORIENTAL:
¿AÚ SE FALA?
Asturies tien dos llingues, como yá sabemos: EL GALLEGO ASTURIANU (que se fala entre les ríes del Navia y l'Eo) y L'ASTURIANU, que se fala nel resto d'asturies. L'Asturianu, tien tres variantes internes bien definíes según los falantes de cada zona: la fastera occidental, la central y la oriental, que ye la tamos trabayando. Éstos son los conceyos onde se fala asina:
1. Ribadeva (Colombres)
2. Llanes (Llanes)
3. Ribeseya (Ribeseya)
4. Parres (Les Arriondes)
5. Amieva (Sames)
6. Cangues d'Onís (Cangues d'Onís)
7. Onís (Benia) nun tien tovía revisáu l'espediente toponímicu
8. Cabrales (Carreña)
9. Peñamellera Alta (Alles) nun tien tovía revisáu l'espediente toponímicu
10. Peñamellera Baxa (Panes) nun tien tovía revisáu l'espediente toponímicu
ATLAS SONORU DE LA LLINGUA ASTURIANA
Aprovechamos pa presentavos esta ferramienta tan prestosa, l'Atlas Sonoru de la Llingua Asturiana, onde vas poder sentir la fala viva d'Asturies al traviés de l'audición de testimonios reales. Vamos a sentir la variante oriental nos testimonios orales qu'hai recoyíos nel Atlas.
