MAIA
DIEGO
SHAKIRA
martes, 26 de septiembre de 2017
llingua nel aula
septiembre 26, 2017
Apañando datos pa la so representación: el tiempu que fizo en Quintes el cursu pasáu
jueves, 21 de septiembre de 2017
llingua nel aula
septiembre 21, 2017
La seronda
Vamos a pintar namás que la seronda y de siguío vamos ponela na llibreta. Pues baxar la ficha calcando na imaxe:
lunes, 18 de septiembre de 2017
llingua nel aula
septiembre 18, 2017
Apañando datos pa la so representación gráfica
Los gráficos y les tables representen ya interpreten informaciones vinientes de diferentes fontes, de forma nidia, precisa y curiosa. Cuasi que tolos tipos de información puen entamase nuna tabla de datos y representase en dalgún tipu de gráficu, que valen:
- Pa facer visibles los datos que representa
- Pa encuriosar ordenar y sintetizar los datos recoyídos
- Pa esclariar y complementar les tables y esposiciones teórique o cuantitatives.
- Pa ver si hai dalgún tipu de rellación ente los datos que representa.
¿Qué tipos de gráficos pueo facer? En función de les característiques y la bayura de datos podemos usar un tipu u otru de gráficos:
- Pictogrames: gráficu fechu al traviés de dibuxos, val p'ayudanos a comprender ya interpretar los datos con mayor facilidad.
- Gráficos de columnes: muestra los cambios que han sufrido los datos en el transcurso de un período de tiempo determinado o ilustra las comparaciones entre elementos.
- Gráficos de barres: ilustran comparances sente elementos individuales.
- Gráficos de llinies: valen pa enseñar les tendencies nos datos a intervalos idénticos.
- Gráficos circulares: amuesen el tamañu proporcional de los elementos que conformen una serie de datos, en función de la suma total de los mesmos.
Pa saber un pocoñín más:
Vamos a deprender la frecuencia, moda y media.
La frecuencia ye'l númberu de vecer que se repite un datu
La moda ye'l dato que tien mayor frecuencia
La media d'un conxuntu de datos calcúlase sumando tolos datos y dividiendo'l resultáu ente'l númberu total d'ellos.
Agora vamos facer una práctica de tolo anterior.
Durante'l cursu pasáu, tuvimos recoyendo'l tiempu que fizo en cada escuela, los díes que hubo llingua asturiana en cada escuela del C.R.A. de ochobre de 2016 a mayu de 2017. Con ellos, vamos a facer una tabla que recueya tolos datos encuriosaos por meses, años y tiempu que fizo. Podemos facela na llibreta o tamién nun procesador de testu como'l que se nos ufierta n'asturianu d'Open Office, qu'amás ye de baldre. Pues baxalu calcaldo equí:
Lo pirmero, vamos mirar y facer una tabla col tiempu que fizo en en Tazones el cursu pasáu. Pa ello, vamos calcar nesti enllaz:
Agora tócanos dir esbillando y atropando los datos encuriosándolos nuna tabla, que vamos a esbillar mes a mes, d'un llau y d'otru, el tiempu que fizo.
Una vez fecha esta tabla, yá tenemos de manera visual tolos datos que nos faen falta pa facer el pictograma. Dibuxamos los pictogramas colos que queremos trabayar, que nesti casu ta mui nidio, como falamos del tiempu que fai pues usamos un sol, unes ñubes,..
N'acabándolu, vamos facer un gráficu de barres, pa ello podemos facelu de manera manual na llibreta y tamién utilizar la fueya de cálculu d'opien office, que tamién vien n'asturianu. Vamos siguir los pasos que van darréu:
- Escribi celda a celda los datos
- Escueye les celdes que contienen los datos.
- Executa'l comandu gráficu del menú ferramientes o fai clic sobro'l botón Gráficos.
- Una vegada apaez l'asistente, escueye'l tipu de gráficu que quies crear.
- Sigue les instrucciones del asistente escoyendo'l rangu de los datos, el títulu de les coordenaes, el títulu del gráficu, etc.
- Una vegada creáu'l gráficu asítialo nel llugar de la fueya de cálculu que quieras qu'apaeza clicando enriba y abasnando.
- Dichu gráficu va poder ser modificáu tocantes a el so tipu, títulu, lleendes, escales de les exes, tamañu y colores utilizando'l grupu de botones de la barra de ferramientes llamáu: gráficos, qu'apaez al crear el gráficu.
Queda asina:
SOFTASTUR
Softastur ye una asociación ensin ánimu d'arriquecimientu, que'l so oxetivu ye'l fomentu de la llingua asturiana nes nueves tecnoloxíes, concretamente nel ámbitu del Software llibre.
L'asociación ta formada por voluntarios, principalmente programadores informáticos, filólogos, diseñadores y profesores en llingua asturiana. Softastur ufierta soporte técnicu y documentación gratuita a los usuarios de Software llibre.
Nel añu 2008, Softastur recibió'l premiu Andrés Solar, qu'apurre la Xunta pola Defensa de la Llingua Asturiana, pol so trabayu d'inclusión del Asturianu nes nueves tecnoloxíes, y especialmente por facilitar la disponibilidad d'Ubuntu, primer sistema operativu en llingua asturiana.
Más info:
miércoles, 13 de septiembre de 2017
llingua nel aula
septiembre 13, 2017
DÍA DE LA RECIELLA 2017
Porque N'ASTURIANU, SUMES.
Más info:
