martes, 28 de noviembre de 2017

noviembre 28, 2017

3 d'avientu: videoconferencia del Anguleru y V Concursu de Pintura

Otra vuelta, L'Anguleru ta a piques d'entamar el so viaxe dende'l Mar de los Sargazos p'Asturies. Xusto enantes de partir vas poder falar con él el prósimu domingu 3 d'avientu a les 12:30 hores enl Acuariu de Xixón.

Tamién tán acabante de convocase'l  V Concursu de Pintura de L'Anguleru. Nós vamos a participar. ¿Y tú, anímeste?. Dende Llingua nel Aula Mariñana queremos desavos muncha suerte.

Bases V Concursu de Pintura de L’Anguleru
1- Van Poder participar tolos escolares que cursen les etapes d'Infantil, Primaria y Secundaria.
2- La temática va tratar sobro'l personaxe de L’Anguleru, un pescador asturianu que trai regalos a los neños y neñes la nueche del 24 al 25 d'avientu
3- Podrá participase utilizando tou tipu de técniques de pintura: ceres, acuareles, rotuladores, lápices, témperas… etc.
4- Les obres podrán presentase al traviés de trés víes:
Entrega en mano nel Acuariu de Xixón o al traviés de carta: Les obres van presentar en papel en formatu A4 y nun van poder llevar nengún agregu que sobresalga o pueda desapegase (boles, fueyes, cachos d'otru material, etc.) La dirección ye Acuariu de Xixón (Pa concursu de L´Anguleru) – Sablera de Poniente s/n – Xixón 33212
Al traviés de corréu electrónicu. va realizase xuna semeya o se va escaniar el papel formatu A4 que nun va poder llevar nengún agregu que sobresalga del foliu. L'arquivu va unviar a la dirección buzonlanguleru.com. Si se realiza un semeya del dibuxu va tener que tener calidá y tar enfocada.
Por mensaxe priváu al facebook de L’Anguleru en https://www.facebook.com/LAnguleru
5- Establécense cuatro categoríes: primer ciclu d'Infantil (0-3 años, segundu ciclu d'infantil (3-6 años), 1u, 2u y 3u de Primaria, 4u, 5u y 6u de Primaria, Secundaria
Van apurrise trés premios per categoría:
Primer premiu: Diploma, regalu de L’Anguleru, la garulla (revoltixu) y xuna entrada pal Acuariu de Xixón.
Segundu premiu: Diploma, garulla (revoltixu) y entrada pal Acuariu.
Tercer premiu: Diploma, garulla (revoltixu) y entrada pal Acuariu.
6- Les obres van apurrir col nome y apellíos, edá, cursu académicu y localidá y nel aviesu un númberu de teléfonu de contactu. Nel casu de ser unviaes per corréu electrónicu, el númberu de teléfonu va incluyir nel email.
7- El plazu de de recepción de les obres remata'l 23 d'avientu y el ganadores van dar a conocer el 1 de xineru na web www.languleru.com
8- El xuráu va tar compuestu por miembros de l'Asociación Garabuxada y l'Acuariu de Xixón.
9- Toles obres van pasar a ser propiedá de la organización que va poder faer usu de les mesmes como envalore oportunu.
10- La participación nel concursu supon l'aceptación d'estes bases.

Más info:

miércoles, 15 de noviembre de 2017

noviembre 15, 2017

CONCURSU ESCOLAR DE CALENDARIOS “LES CUATRO ESTACIONES”

Dende la Mancomunidá Comarca de la Sidra, al traviés del so Serviciu de Normalización llingüística, tán acabantes de convocar el concursu escolar de calendarios, empobinada a toles y tolos escolinos de les escueles asitiaes nos conceyos qu’integren la Mancomunidá. Nós vamos participar. Equí vos dexmos les bases.

martes, 14 de noviembre de 2017

noviembre 14, 2017

Partes de la casa II: de la palancana al cuartu bañu

El cuartu de bañu ye puna parte de les cases modernes. Va tiempu, nun esistía como tal y usábense palancaneros y bacinilles que taben nos cuartos onde se dormía.
A ver si te atreves a facer esti crucigrama


martes, 7 de noviembre de 2017

noviembre 07, 2017

Partes de la casa: del llar a la cocina

Angüaño, les cocines van paeciéndose más a esta semeya, pero va tiempu, esti espaciu de la casa solíen tener esti aspectu:
Esti llugar de les cases tradicionales asturiaes yera'l LLAR, sitiu onde se facía fueu y qu'ocupaba l'esapciu comúm que valía de cocina, comedor y estancia de la familia.
Agora a xugar:

lunes, 6 de noviembre de 2017

noviembre 06, 2017

La casa de mio güela

Esti ye otru cantar prestosu de Xentiquina

La lletra:
La casa de mio güela 
si que me presta a mi 
si, si, si, si 
si que me presta a mi

Detrás tien una güerta 
y delantre un xardín 
si, si, si, si 
y delantre un xardín

Hai pites y coríos
y un gatu pequeñín
si, si, si, si
y un gatu pequeñín

De nueche yo y mio güela
xugamos al parchís
si, si, si, si
xugamos al parchís

Y si nun soi mui malu
cómprame regaliz
si, si, si, si
cómprame regaliz


noviembre 06, 2017

#eltiempu que fizo n'ochobre de 2017