Los mazcaraos en domingu'l gordu de Rozaes (Villaciciosa)

Rozaes festexa'l Domingo´l Gordu, la vieya tradición asturiana de los mazcaraos en antroxu recuperada pola Asociacion de Vecinos. Una tradición que se fai dende tiempos inmemoriales n'Asturies que estes vecines y vecinos recuperen pa caltener viva otra de les antigues fiestes tradicionales asturianes.

L'Asociación de Vecinos de Rozaes lleva con esti, tres años trabayando na so recuperación. Una tradición que se facía incluso en cuando taba prohibido (pola dictadura) y que se pierde nos años ochenta col abandonu del campu y les zones rurales asturianes, colando gran parte de la so población pa otros sitios con más oportunidaes.

"Había dos díes de mazcaráos, ún palos ñeños y ñeñes, que yera’l domingu’l gordu y otru’l martes d’antroxu pa la xente mayor y ñeños grandes. Nin que dicir tien, que’l martes yera día de trabayu y de escuela, asina que non toos podíen vistise"

Los mazcaraos vístense con ropa vieyo qu’habia peles cases "qu’antes tirabense menos coses qu’agora" ensin vistise de na concreto. Van mui bien tapaos pa que nun los conozan con guantes nes manes y na cabeza con un sombreru o con un picorniu y pa tapar el pelo con un pañuelón o con una media.

"Yera frecuente que se vistieren homes de muyeres y muyeres d´homes. Tamíen podíen cubrir parte de la ropa con fueyes cosíes, xeneralmente de llorea (la llorea y el lloréu tienen fueya tol añu y son los árboles que usaben pa “poner el ramu” y tamién en dalgunes dances tradicionales). Nestos casos la ropa solía ser claro, y destacaba bien la fueya"

Van mui bien tapaos pa que nun los conozan con guantes nes manes y na cabeza con un sombreru adornáu con flores o cintes o con un picorniu y pa tapar el pelo con un pañuelón o con una media.

"El picorniu, tamién llamáu tricorniu, fue faciéndose menos frecuente colos años, y nos caberos ya casi nun lu poníen. Facíase de cartón forráu con papeles de colores y solía tar adornáu con cintes y flores, munches veces de papel. Dicen que primero lu facíen sobre una argadiellu de cañavera recubiertu y que yera meyor porque los mazcaraos, caminaben, saltaben y corríen munchu, y fechu d’esa manera nun se-yos estropiaba col sudor."

La cara llévanla cubierta con una careta de pelleyu, cartón o de xénero

"Les de pelleyu podíen llevar el pelo del animal. Dellos vieyos tamien s’alcuerden de ver una media afuracada o la cara pintada de negro con un corchu quemáu. Pero la xente que se vistía pelos años sesenta dicen que yá llevaben caretes compráes, aunque podía haber dalguna fecha por ellos."

Ye perimportante’l palu. Los mazcaraos llevaben palu y algunos lloqueros.

"Dellos llevaben unos bonos tochos que-yos permitieran apoyase nellos pa saltar, y otros un palu tipu guiyada, pero ensin pinchu. Otru posible complementu yeren los lloqueros, qu’imponíen bastante. Cuando yo yera ñeña, dalgunos llevábenlos y otros non."

Los mazcaraos van dir peles cases del pueblu, ya tamién pelos llugares vecinos, y dáben-yos fayueles, picatostes y sidra. Anguaño si dan dalgo los vecinos, entós quiten les mázcares. Tamién son picardiosos, los vistíos de homes van provocando a les muyeres que tean mirando. Too ello nun ambiente bien folixeru y prestosu.

"Los de la parroquia Puelles solíen venir hasta Rozaes, y los de Rozaes diben a Puelles y a Niévares.

Col palu aprovechaben pa saltar, diben diendo “Uuuuuuu” y ruxendo los lloqueros, asina que imponíen abondo: sobremanera a los ñeños y ñeñes pasaben bien de mieu."

Informante y semeyes: 

Eva Solares Sopeña y nel blog

Coses d'Asturies: los mazcaraos de Rozaes

Más info:

Facebook Asociación de Vecinos de Rozaes